 |
| Tanjung pura |
SaNSAI
Sapantun alang tabang tinggi
Malayok ka gunuang Sago
Hinggok di dahan batang dadok
Duri di kaki maincek lanak
Lah batahun musim baganti
Iduik nan indak barubah juo
Indak mangakeh indak mancatok
Sarupo ayam lapeh di parak
Ka bukik batanam sukun
Dulunyo samak sarang ula
Kini rimbo dek banalu
Hanyo sakali limo tahun
Baju di badan lai batuka
Diagiah urang jalang Pemilu
Ula banamo ula cindai
Jalan malato ka batu camin
Manuju tajun aia sarasah
Baju bagambar urang pandai
Nan ka duduak jadi pamimpin
Harok nagari ka barubah
Bak cando tabang buruang bondo
Tabang malinteh awan sabarih
Turun ka sawah tanaman padi
Tapi ditipak diri ambo ko
Iduik bak cando sampan tirih
Badayuang angok manjalang mati
Dangau Tingga, 2020)
Tidak ada komentar:
Posting Komentar